Мамандық таңдау – табысты өмірдің кілті
Атырау облыстық Білім беру басқармасы ұйымдастырған инстаграм парақшасында өткен тікелей эфирде Индер көп бейінді ауыл шаруашылық колледжінің директоры Құнас Бағытжан Ниетқалиұлы «Мамандық таңдау – табысты өмірдің кілті» тақырыбында сұхбат берді.
Сұхбат барысында 9 және 11 сынып бітіруші оқушыларға кәсіптік бағдар беру мақсатында колледждің оқу процесімен, материалдық-техникалық базасымен, колледжде оқытылатын мамандықтар мен әлеуметтік серіктестермен байланыс, жаңа оқу жылында ашылатын мамандықтар туралы, педагогикалық ұжымның және студенттердің оқу-тәжірибе, тәрбие бағытындағы жетістіктеріне тоқталды. Сонымен қатар, тікелей эфирде студенттер үшін жасалатын мүмкіндіктерге, жатақханамен қамтылу жағдайларына тоқталды.
