Жайлы жатақхана

Индер көп бейінді ауыл шаруашылығы колледжінің 100 орынды жатақханасы жұмыс жаауда.

Жалпы ауданы 1914,1 шаршы метр 4 қабатты жаңа ғимаратта екі кісілік 12 бөлме, үш кісілік 15 бөлме және төрт адамға арналған 4 жатын бөлме орналасқан. Әр бөлме заман талабына сай  қажетті жиһаздармен ( керует, киім ілетін шкаф, үстел)  жабдықталып, жуынатын бөлме мен әжетхана да бар. Сондай—ақ асхана және кір жуатын орында қарастырылған.

Келісім шарт бойынша 2019 жылдың сәуір айында басталған құрылыс жұмыстары 2020 жылдың желтоқсан айында «Ақ Жол Құрылыс» ЖШС-і мекемесінің мердігерлігімен  аяқталды.

Жатақханада барлық инженерлік желілер орталықтандырылған коммуникациямен қамтамасыз етілген. Жатақхана ауданымыздың елді- мекендерінен, көршілес аудандардан, облыстардан келген студенттер үшін қуанышты жағдай. Бұл жерде  тек студенттер  ғана емес, колледж оқытушылары да тұрады.