Worldskills-2022 колледжішілік чемпионаты
Worldskills – жұмысшы мамандықтарының мәртебесін арттыру және шеберлік дағдыларын дамыту болып табылатын халықаралық коммерциялық емес қозғалыс.
13 желтоқсан күні Индер көп бейінді ауыл шаруашылық колледжінде жұмысшы кәсіптерінің абыройын арттыру, жас мамандарға еңбек нарығында сұранысқа ие практикалық дағдылар мен жоғары біліктіліктерді алу мүмкіндігін беру мақсатында алғаш рет ұйымдастырылған Worldskills-2022 колледжішілік чемпионаттың шымылдығы ашылды.
Worldskills-2022 колледжішілік чемпионатына 8 құзыреттілік бойынша 29 студент қатынасуға өтініш берді.
8 құзыреттілік бойынша Worldskills стандарттарына сәйкес жұмыс орындары дайындалды.
- “Жеңіл автомобильдерді жөндеу және қызмет көрсету” құзыреттілігі бойынша қатысушы 2 студент, бас сарапшы колледж механигі Н.Бисембаев
- “Аспаз” ісі құзыреттілігі бойынша қатысушы 8 студент, бас сарапшы “Ақсай” ЖК маманы Г.Ерболатова
- “Дәнекерлеу технологиясы” құзыреттілігі бойынша қатысушы 3 студент, бас сарапшы “Измагамбетов” ЖК басшысы С.Измагамбетов
- “Электромонтаждық жұмыстары” құзыреттілігі бойынша қатысушы 3 студент, бас сарапшы “Атырау Жарық” АҚ қоғамының Индер ауданы электр жүйелері мекемесінің әуе желісі шебері В.Аверьянов
- “Құрғақ құрылыс және сылақ жұмыстары” құзыреттілігі бойынша қатысушы 3 студент, бас сарапшы ИСИ Гипс Индер зауытының директоры О.Байгенжиев
- “Мобильді робототехника” құзыреттілігі бойынша қатысушы 2 команда-4 студент, бас сарапшы Индер ауданы Білім бөлімінің оқушылар шығармашылық орталығының қосымша білім беру педагогі Н.Өтепқали
- “Графикалық дизайн” құзыреттілігі бойынша қатысушы 2 студент, бас сарапшы С.Сейфуллин атындағы орта мектептің информатика пәні мұғалімі Б.Тұржанов
- “Бейне өндіріс” құзыреттілігі бойынша қатысушы 4 студент, бас сарапшы “Тулегенов” ЖК басшысы А.Тулегенов
Колледждің әр құзыреттілікке сәйкес арнаулы пән оқытушылары мен өндірістік оқыту шеберлері сарапшы қызметтерін атқарды.
Worldskills-2022 чемпионаты ашылу барысында халықаралық қозғалыс, мақсаты жөнінде және 2017-2021 жылдар аралығындағы өңірлік чемпионаттарға қатынасып, жеңімпаздар қатарынан көрінген колледж студенттері туралы бейнеролик көрсетілді, чемпионат гимні орындалды.
Колледж директоры Б.Құнас алғашқы сөз сөйлеп, чемпионатқа қатысушы студенттермен бірге чемпионат жарығын жағып, сәттілік тіледі.
