«Дене шынықтыру педагогтерінің дене тәрбиесі пәні бойынша оқу бағдарламаларын құрастыру, оқытудың мазмұны мен әдістерін жетілдіру»

Кәсіптік-техникалық білім беру ұйымдарының дене тәрбиесі оқытушыларына С.Мұқашев атындағы Атырау политехникалық жоғары колледжі «Дене шынықтыру педагогтерінің дене тәрбиесі пәні бойынша оқу бағдарламаларын құрастыру, оқытудың мазмұны мен әдістерін жетілдіру» тақырыбында облыстық шеберлік-сабақ ұйымдастырды.

Шара басында оқытушылармен танысу мақсатында жастар ісі комитеті инспекторы М.Бижанова қатысушыларды сергітіп, танысу тренингін өткізді.

Дене тәрбиесінің оқытушысы Г. Набиева кәсіптік техникалық білім беруге арналған дене тәрбиесі пәні бойынша жұмыс оқу бағдарламасы мазмұнын, сабақты ұйымдастырудың әдіс-тәсілдерін түсіндіріп және де бұқаралық сауықтыру шаралары тәжірибесімен бөлісті.

Шара соңында спорт зал, тренажер залы, секіру- лақтыру алаңдарында оқытушыларға экскурсия ұйымдастырылды. Жас маманымыз дене шынықтыру пәні оқытушысы Сәлімгерей Нұрасбек шараға белсене араласып,шеберлік сыныбында тәжірибе алмасты.