Индер көп бейінді ауыл шаруашылық колледжі жұмыс жасап тағы бір оқу жылын аяқтады.
Индер көп бейінді ауыл шаруашылық колледжі жеке тұлғаны әлеуметтік – экономикалық бағытында дамыту үшін, теориялық білім мен іс-тәжірибені ұштастырып, болашақ кәсіби құзіретті маман дайындауда шығармашылықпен нәтижелілікке ұмтыла жұмыс жасап тағы бір оқу жылын аяқтады.
2020-2021 оқу жылының аяқталуына арналған Индер көп бейінді ауыл шаруашылық колледжінде «ЖОЛЫҢ БОЛСЫН, ЖАС МАМАН» атты қашықтықтан ZOOM қосымшасында шара өткізілді. Шара барысында колледж директоры Б.Құнас, арнаулы пән оқытушысы С.Маңғыт, ата – ана Р.Темірханова және «Электр жабдықтарына қызмет көрсету жөніндегі электромонтер» біліктілігін бітіруші Қызыл Диплом иегері С.Сәрсен құттықтау сөз сөйледі.
Шара соңында бітіруші түлектерге Диплом тапсыру рәсімі өткізілді. Осы оқу жылында өздері таңдаған мамандықтарын аяқтап, 77 түлек диплом алды. Бітіруші түлектердің ішінде 4 студент- Сағатұлы Аманбек, Сағынғалиев Ерасыл, Серіков Руслан, Сарсен Сұлтанбек – Қызыл Диплом иеленді.
