“Сыбайлас жемқорлық-қоғам дерті” тақырыбында дебат ойыны өткізілді

“Сыбайлас жемқорлық-қоғам дерті” тақырыбында

дебат ойыны өткізілді.

Индер көп бейінді ауыл шаруашылық колледжінің ” Ақиқат” дебат клубы жетекшісі Гаухар Бопасованың ұйымдастыруымен жастарды адал жолмен жүруге, адалдыққа үйрету, сыбайлас жемқорлық туралы мағлұмат беру және өз мемлекетіне жауапкершілікпен қарау, әділдікке тәрбиелеу мақсатында колледждегі “Ақиқат” дебат клубы мен аудандық Жастар ресурстық орталығымен бірлесіп , “Сыбайлас жемқорлық-қоғам дерті” тақырыбында дебат ойыны өткізілді. Дебат ойыны 5 бөлімнен құралып жақтаушы топ -“Парасат” және даттаушы топ “Ақиқат” командалары арасында өткізілді. Дебат барысында клуб мүшелері сыбайлас жемқорлықтың зардабы, қолданылатын жаза туралы айтылып, “Сыбайлас жемқорлық-дәрі беріп емделетін сырқат емес” тақырыбында бейнеролик ұсынылып, топтардың пікірлері тыңдалды, тақырып аясында мақал- мәтелдердің жалғасын тауып жазу орындалды.

Дебат ойынын директордың тәрбие ісі жөніндегі орынбасары Г.Абенова мен Жастар ресурстық орталығының директоры Т.Бертлеуов қорытындылап, командаларға Алғыс хат табыстады.