“Тіл мен тарих-болашақ биігінде” атты қоғамдық пәндер апталығы

Индер көп бейінді ауыл шаруашылық колледжінде студенттердің бос уақытын тиімді ұйымдастыру, әр пән бойынша танымдық, шығармашылық белсенділіктерін арттыру мақсатында “Тіл мен тарих-болашақ биігінде” атты қоғамдық пәндер апталығы өткізілді.

Қазақ тілі мен әдебиеті пәні оқытушысы Г.Төлегеннің жетекшілігімен “Жалын, жарқыл шашқан-Жұбан ақын” тақырыбында өткізілген танымдық кеште ақынның өмірі мен шығармашылығынан деректер таныстырылып, студенттер ақынның жырларын оқыды. “Единство муз, единство голосов” тақырыбында өткізген орыс тілі мен әдебиеті пәні оқытушысы А.Масалимованың  шарасында студенттер сұрақтарға жауап берді, өлең жолдарын оқыды, әндерін орындады.

Ағылшын тілі пәнінің оқытушысы Б.Мырзахметованың “Amazing human brain facts” тақырыбындағы жаңартылған білім беру бағдарламасы бойынша жасалған сабағы 01-к-ФШ-Э тобында өткізілді. Сабақта бейнероликтер көрсетілді, студенттермен белсенді түрде кері байланыс  орнатылды.

Жаңартылған білім беру бағдарламасының ерекшеліктері, осы жүйеге негізделген сабақтардың жоспарлану, берілу артықшылықтарын көрсету, нәтижеге бағыттау мақсатында география және орыс тілі пәндері бойынша панорамалық сабақтар көрсетілді.

Апталық аясында жоспарланған шаралар студенттермен қашықтықтан Zoom конференциясы арқылы ұйымдастырылды.