«ҮЗДІК ЖЕР ЖЫРТУШЫ-2021»

      Индер көп бейінді ауыл шаруашылық колледжінде студенттердің кәсіби дайындығы сапасын, шеберлігін анықтап, жастар арасында жұмысшы мамандықтарын насихаттау арқылы заманауи жағдайларда олардың беделін көтеру мақсатында «Үздік жыр жыртушы-2021» сайысы өткізілді.

Сайыс барысында студенттердің кәсіби құзыреттілігін дамыту,оқу үдерісіне озық өндірістік технологияларды зерттеп, енгізу, өзгерген әлеуметтік – экономикалық жағдайларда ойлайтын, белсенді әрекет ететін және тез бейімделетін тұлғаның алдағы іс-әрекетінде керекті қасиеттерді қалыптастыру, теориялық және практикалық оқытудың байланысын нығайту, білім мен дағдыларын, кәсіби білімдерінің деңгейін қалыптастырып зерттеу  міндеттері алға қойылды.

02-к-ФШ-Т оқу тобы студенттерімен өткізілген сайыста тракторды соқамен бірге жұмысқа дайындап, мамандығы бойынша тракторлар (доңғалақты) және (шынжыр табанды) соқалардың құрылысы мен айырмашылығы бойынша сұрақтарға жауап беріп, жалпы техника қауіпсіздігін сақтап және  жер жырту жұмыстары бойынша сынға түсті.

«Атамекен» ҚР ҰКП Индер аудандық филиалының қолдауымен колледжбен бірлесе өткізілген сайыс қорытындысында топ студенттері Жолдасов Диас І орын, Жалғас Алпамыс ІІ орын және Демеу Өтеміс ІІІ орын иеленді.