Автордың жарияланымдары: admin

Қазақстан Республикасы Білім және ғылым министрлігі «Өрлеу» біліктілікті арттыру ұлттық орталығы» акционерлік қоғамы Атырау облысы бойынша педагогикалық қызметкерлердің біліктілігін арттыру институты ұйымдастырған «Білім беру мазмұнын жаңарту жағдайында педагогтың кәсіби құзыреттілігіммен білім сапасын арттыру» тақырыбындағы білім беру қызметкерлерінің облыстық педагогикалық оқуларының кезеңінде кәсіптік білім беру мекемелерінің секциясына қатысқан Индер көп бейінді ауыл шаруашылық колледжі оқытушылары- арнаулы пән оқытушысы Гүлмиза Әжігереева, қазақ тілі мен әдебиеті пәнінің оқытушысы Гаухар Бопасова, орыс тілі мен әдебиеті пәнәінің оқытушысы Аида Масалимова және өндірістік оқыту шебері Алтынай Кунасова қатысып, жүлделі ІІ,ІІІ орындарға және Алғыс хатқа ие болды. Қазақ тілі мен әдебиеті пәнінің оқытушысы Г.Бопасова жүлделі ІІ орын, орыс тілі пәнінің оқытушысы А.Масалимова ІІІ орын, өндірістік оқыту шебері А.Кунасова «Алғыс хатқа» ие болды.

Атырау облысы Білім беру басқармасының Әдістемелік кабинеті техникалық және кәсіптік білім беру ұйымдарының білім алушылары арасында жұмысшы кәсіптерін дәріптеу, олардың мәртебесін арттыру мақсатында облыстық «WorldSkills Kazakhstan-2017» ұлттық чемпионаты 29-30 наурыз күндері Атырау қаласында өтті. Оған Индер көп бейінді ауыл шаруашылық колледжі студенттері де қатысты. «Дәнекерлеу ісі» мамандығы бойынша ІІІ курс студенті Ізімғали Нұрқат, «Тамақтандыруды ұйымдастыру» мамандығы бойынша Оралбаева Диана, «Ғимараттар мен құрылымдарды салу және пайдалану» мамандығы бойынша Серіков Нұрбек қатысты. Сайыс қорытындысы бойынша Серіков Нұрбек жүлделі ІІІ орынға ие болды, өндірістік оқыту шебері Салахиденов Нұрсұлтан.Қалған екі студент те Сертификатқа ие болды.

Сәуір айының 6 жұлдызы күні Индер көп бейінді ауыл шаруашылық колледжінде «Ұлттық құндылықтарымыздың ұйытқысы-қыз тәрбиесі» атты қыз балаларға арналған дөңгелек үстел өтті. Бұл шараның мақсаты- қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік,сұлулық сияқты жан-жақты ұлттық қасиеттерді таныта білу және қазақ халқының әдет-ғұрпы арқылы қыз бала тәрбиесіне тән қасиеттерді бойына сіңірте білу.

Колледждің әлеуметтік педагогы Жапакова Сымбат, психолог Абдрахманова Алмагүл, ембике Айтқалиева Шынар, қыздар ұйымының жетекешісі Жалғасова Ақсұлу қыз тәрбиесі туралы сөз қозғады. Шараны директордың тәрбие ісі жөніндегі орынбасары Абенова Гүлфара қорытындылады.

7 сәуір күні колледж бойынша 02-к-ФШ-2 оқу тобының өндірістік оқыту шебері  Айдос Жанғалиевтің ашық сабағы өтті. Сабақ  тақырыбы: «Аккумулятор батареясының электорлит деңгейін тексеру. Жарықтандыру, сигналдау приборлары». Сабақ барысында студенттердің жұмысы бақыланды. Стенд бойынша жұмыс жасалды. Сабақ өз мақсатына жетті. 

30 наурыз күні 01-к-Д оқу тобында математика пәнінің оқытушысы  Икембаева Гулшат Аманкосовна «Туынды тарауын қайталау» сабағынан  ашық сабақ өткізді. Тарау бойынша  сөзжұмбақ шешілді, есептер шығарылды. Студенттер сабаққа белсене қатысты. Сабақ мақсатына жетті.